Plantun de Prouvènço

Pèr coumpara dos planto d'encò nostre

Viola biflora & Carex austroalpina

Viola biflora

Violaceae

Noms en français : Pensée à deux fleurs, Pensée jaune.

Descripcioun :
Pensèio que trachis dins li relarg umide de mountagno, souvènti-fes dins lis esboudèu o souto li mèle. Li flour soun de cop que i'a pèr dos, mai pas toujour. Se recounèis à si flour jauno raiado de brun e à si gròssi fueio roundo en cors à la baso.

Usanço :
Li flour de vióuleto soun manjadisso, li meiouro soun li mai perfumado, coume Viola odora o Viola suavis. Soun richo en vitamino C e A.

Port : Erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Viola
Famiho : Violaceae

Ordre : Malpighiales

Coulour de la flour : Jauno
Petalo : irreguliero
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Mountagno mejano - Basso mountagno - Esboudèu
Estànci : Pancaro entresigna
Couroulougi : Pancaro entresigna
Ref. sc. : Viola biflora L., 1753

Queirello(-dis-Aup-dóu-miejour)

Carex austroalpina

Cyperaceae

Àutri noum : Moutouso, Sagneto.

Nom en français : Laiche des Alpes du sud.

Descripcioun :
Aquesto queirello trachis en mountagno, dins li relarg un pau umide, ounte ié fai de mato de fueio di proun primo (0,8 à 2 mm). Es un bon mouien de la recounèisse. Pamens regardas tambèn que i'ague uno espigo masclo e uno à quatre espigo femelo que pendoulon un cop maduro. Lis utriculo lusènto an tres estigmate emé un bè de 0,2 à 1 mm (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50(60) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 10 à 20 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Prado umido - Pinèdo - Melounié
Estànci : Subremediterran à Subaupen
Couroulougi : Ouroufito-Aupenco-Sud-Ouèst
Ref. sc. : Carex austroalpina Bech., 1939 (= Carex ferruginea subsp. tenax (H.Christ) K.Richt., 1890 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Viola biflora & Carex austroalpina

Coumpara Pensèio(-di-dos-flour) emé uno autro planto

Coumpara Queirello(-dis-Aup-dóu-miejour) emé uno autro planto